நீங்கள் எந்த நாட்டில் குடியேற விரும்புகிறீர்கள்? என்று நடத்தப்பட்ட கருத்துக் கணிப்பு ஒன்றில் 1 கோடி இந்தியர்கள் அமெரிக்காவில் செட்டிலாகிவிட விருப்பம் தெரிவித்துள்ளனர். ஆனாலும் சீனர்கள்தான் அதிகமாக அமெரிக்காவில் குடியேற விருப்பம் தெரிவித்துள்ளனர்.அமெரிக்காவில் குடியேறுவது குறித்து கால்,அப் என்ற அமைப்பு 151 நாடுகளை சேர்ந்தவர்களிடம் ஆய்வு நடத்தியது. அதில், உலகின் மொத்த இளைஞர்களில் 15 விழுக்காடு அதாவது 64 கோடி பேர் வெளிநாடுகளில் குடியேற விருப்பம் தெரிவித்தனர். குறிப்பாக, அமெரிக்காவில் குடியேற அதிகமானோர் விரும்புகின்றனர்.அமெரிக்காவில் குடியேற அதிகபட்சமாக சீனர்கள் 2.2 கோடி பேர், 1.5 கோடி நைஜீரியர்கள், 1 கோடி இந்தியர்கள் விருப்பம் தெரிவித்தனர். பிரேசில், வங்கதேச நாட்டவர்களும்கூட அமெரிக்காவில் குடியேற விருப்பம் தெரிவித்துள்ளனர்.அமெரிக்காவுக்கு அடுத்ததாக இங்கிலாந்ந்து, கனடா, பிரான்ஸ் மற்றும் சவூதி அரேபியாவில் செட்டிலாகும் கனவும் இளைஞர் சமூகத்திடம் இருப்பதும் கருத்துக் கணிப்பில் தெரியவந்தது.
No comments:
Post a Comment