பலூன் திருமண உடை!

இங்கிலாந்து இளவரசர் வில்லியமின் மனைவி கேத்தின் திருமண உடைக்கு ஏகப்பட்ட மவுசு. ரூ. 2 கோடி மதிப்புள்ள அவரின் திருமண உடை ஜூலை 23-ம் தேதி முதல் பொதுமக்கள் பார்வைக்கு வைக்கப்பட்டது. மூன்று லட்சத்து ஐம்பத்து நான்காயிரம் பேர் இதுவரை இதனைப் பார்வையிட்டுச் சென்றுள்ளனர்.


இதற்கிடையில் பலூன்களின் மூலம் பல்வேறு சாதனைகளைப்படைத்த லெவிட் என்ற 54 வயதுப்பெண், கேத்தின் திருமண உடையைப் போன்றே பலூனில் செய்து அசத்திவிட்டார். சுமார் 5 ஆயிரம் பலூன்களைப் பயன்படுத்தி ஆடையை உருவாக்கியுள்ளார்.

 

அதிகமாக வெள்ளை நிற பலூன்களும், ஆடையின் மேல் பகுதியை அலங்கரிப்பதற்குக் கலர் பலூன்களையும் பயன்படுத்தியுள்ளார். ""5 ஆயிரம் பலூன்களை ஊதி, சைஸ் வாரியாக முறுக்குவதற்கே நான்கு நாள்கள் பிடித்தது'' என்கிறார் லெவிட்.