ஆப்பிள் புதிய தலைவராக லெவின்சன்...!

ஆப்பிள் இயக்குனர் குழுவின் புதிய தலைவராக ஆர்தர் லெவின்சன் நியமிக்கப்பட்டுள்ளார். ஆப்பிளின் இணை நிறுவனரான ஸ்டீவ் ஜாப்ஸ் மரணத்தைத் தொடர்ந்து, அவர் வகித்து வந்த பொறுப்புக்கு ஆர்தர் தேர்ந்தெடுக்கப்பட்டார். கடந்த 2000-ல் இருந்து ஆப்பிள் இயக்குனர் குழு உறுப்பினராக சிறப்பாக பங்காற்றியதன் பலனாக, லெவிசனுக்கு இந்த மிகப் பெரிய கெளரவம் அளிக்கப்பட்டுள்ளது. ஜெனன்டெக் மருந்து நிறுவனத்தின் தலைவராக இருந்தவர், லெவின்சன். ஆப்பிள் தலைவராக நியமிக்கப்பட்டதற்கு மகிழ்ச்சி தெரிவித்த அவர், புத்தாக்கங்களில் கவனம் செலுத்தும் இந்த நிறுவனத்தில் உரிய முறையில் பங்காற்றுவேன் என்று கூறியுள்ளார். இதேபோல், ஆப்பிள் நிறுவனத்தின் இயக்குனராக ராபர்ட் ஏ.ஐகர் நியமிக்கப்பட்டுள்ளார். இவர், வால்ட் டிஸ்னி நிறுவனத்தின் தலைவராகவும், தலைமை செயல் அதிகாரியுமாக இருந்தவர் என்பது குறிப்பிடத்தக்கது