உலகம் முழுவதும் பிப்ரவரி 14ம் தேதியை காதலர் தினமாக கொண்டாடுகிறார்கள். ஆனால் சீனாவில் நவம்பர் 11ம் தேதியை சிங்கிள்ஸ் டே என்ற பெயரில் கொண்டாடுகிறார்கள். இதுவும் கூட ஒரு வகையில் காதலர் தினம் போலத்தான். இதயம் இடம் மாறும் தினம்: இந்த தினத்தில் காதலன் அல்லது காதலி இல்லாமல் இருப்பவர்கள் தங்களது துணையை அணுகி காதலைச் சொல்லி ஏற்கக் கோருவார்கள். இவர் வேற மாதிரி: இந்த இளைஞர்களுக்கு மத்தியில் இந்த சீன இளைஞர் மிகவும் வித்தியாசமாக தனது காதலை, தனது மனம் கவர்ந்த பெண்ணிட் சொல்லி அதிசயிக்க வைத்துள்ளார். 99 ஐபோன்கள்: இவர் 99, ஐபோன் 6 ரக போன்களை வாங்கினார். பின்னர் தனது தோழியை வரவழைத்தார். அவரது நண்பர்களையும் கூட அழைத்தார். பின்னர் ஐபோன்களை தரையில் இதய வடிவில் வைத்து நடுவே அந்தப் பெண்ணை நிற்க வைத்து தனது காதலைச் சொன்னார். 82,000 டாலர் செலவில்: இந்த ஐபோன்களை அந்த நபர் 82,000 டாலர் செலவிட்டு வாங்கியுள்ளார். ஆனால் எல்லாமே வீணாகிப் போனது. காரணம் அந்தப் பெண் இவரது கோரிக்கையை நிராகரித்து விட்டதால்.
