மொபைல் வீடியோவில் அதிகமாக தேடப்படும் நடிகை !

பாலிவுட் நடிகை கத்ரீனா கைஃப்  மொபைல் வீடியோக்களில் உலகின் மிக அதிகமாக தேடப்படும் பிரபலமான ஒருவராக இருக்கிறார். சமீபத்தில் வியூகிளிப் வீடியோ நிறுவனம் செப்டம்பர் மாத அறிக்கையை வெளியிட்டுள்ளது.

 

அதன்படி, உலகளவில் முதல் 10 பிரபலங்களில்  கரீனா கபூர் 4வது இடத்திலும் (இந்தியா) மற்றும் சோனக்ஷி சின்ஹா 6வது இடத்திலும் ​​(இந்தியா) உள்ளனர்.மேலும், இந்தியாவில் அதிகம் பார்க்கப்பட்ட வீடியோக்களில் அஜய் தேவ்கான் நடிப்பில் வெளியான ராஸ்கல்ஸ் படத்தில் கங்கனா ரணாவத் நீச்சல் உடையில் வருவது, வித்யா பாலன் நடிக்கும் டர்ட்டி பிக்சர்ஸ், நடிகை ராக்கி சாவந்த் யோகா குரு பாபா ராம்தேவை திருமண செய்து கொள்ள விருப்பம் தெரிவித்தது ஆகியவை பிரபலமாக பார்க்கப்பட்டது என வெளியிட்டுள்ளது.

 

உலகளவில், ஆப்பிள் ஐ-போன், பிளாக் பெர்ரி, நோக்கியா செல்போன்கள் உள்ளிட்ட 10 மொபைல் சாதனங்களின் அடிப்படையில் பட்டியல் வெளியிடப்பட்டுள்ளது என அந்நிறுவனம் தெரிவித்துள்ளளது.