தங்க நகைகளுக்கு ஹால்மார்க் முத்திரை கட்டாயம்...

தரமான தங்கம் என்பதை உறுதிப்படுத்த, தங்க நகைகளுக்கு `பி.ஐ.எஸ். ஹால்மார்க்' முத்திரை போடப்படுகிறது. தங்கத்தின் தரம் குறித்து பொதுமக்களுக்கு கூடுதல் நம்பிக்கை அளிப்பதற்காக, தங்க நகைகளுக்கு ஹால்மார்க் முத்திரையை கட்டாயம் ஆக்க வேண்டும் என்று மத்திய நுகர்வோர் விவகார அமைச்சகம் யோசனை தெரிவித்தது. இதற்காக, 1986-ம் ஆண்டின் தர நிர்ணய சட்டத்தில் திருத்தங்களை சிபாரிசு செய்தது. இந்நிலையில், பிரதமர் மன்மோகன்சிங் தலைமையில் நடைபெற்ற மத்திய மந்திரிசபை கூட்டத்தில் இந்த திருத்தங்களுக்கு ஒப்புதல் அளிக்கப்பட்டது. இதன்மூலம், தங்க நகைகளுக்கு ஹால்மார்க் முத்திரை கட்டாயம் ஆகிறது.