இந்திய திரையுலகின் முன்னணி நடன இயக்குநர்களான ரகுராம்-கிரிஜா ரகுராம் தம்பதிகளின் மகள்தான் சுஜா. தனது பெற்றொர்களிடம் இருந்து நடனத்தை கற்றுகொண்ட சுஜா, 'கிருஷ்ணதாசி' என்ற தொலைக்காட்சி தொடரில் நடித்து தன்னை சிறந்த நடிகையாகவும் வெளிக்காட்டிய இவரது நடன அரங்கேற்றம், 2000ஆம் ஆண்டு நடிகர்கள் சிவாஜி கணேசன், கமல்ஹாசன் ஆகியோரது முன்னிலையில் அரங்கேறியது. 'காதலா காதலா', 'லிட்டில் ஜான்' உள்ளிட்ட பல திரைப்படங்களுக்கு நடன இயக்குநராக பணியாற்றிய இவர், தனது சித்தியும், பிரபல நடன இயக்குநருமான கலா மாஸ்ட்டரோடு இணைந்து உலகமெங்கும் பல நடன நிகழ்ச்சிகளை நடத்தியிருக்கிறார். 2002ஆம் ஆண்டு மனோஜ் என்பவரை திருமணம் செய்துகொண்டு அமெரிக்காவில் குடியேறிய சுஜா, புகைப்படகலை, விமானம் ஓட்டுவது போன்ற பயிற்சிகளில் தன்னை ஈடுபடுத்திகொண்டார். மேலும் 2005ஆம் ஆண்டு 'நர்தன சாலா' என்ற நடன அகடாமியை அமெரிக்காவில் ஆரம்பித்து 300க்கும் மேற்பட்ட இந்திய மற்றும் அமெரிக்க மாணவர்களுக்கு நடன பயிற்சி அளித்து வருகிறார். இந்த நடன பள்ளியின் ஐந்தாவது ஆண்டு விழா பிரபுதேவா மற்றும் நயன்தாரா ஆகியோரது முன்னிலையில் நடைபெற்றது குறிப்பிடத்தக்கது. தற்போது அமெரிக்காவில் உள்ள காசாஸ் சிட்டி-மிசோரி மகாணத்தில் வசித்து வரும் சுஜா மனோஜ். அமெரிக்காவில் உள்ள இந்தியாவை சேர்ந்த ஒரே பெண் நடன இயக்குநர் ஆவார். தனது நடன பள்ளியில் உள்ள மாணவர்களை கொண்டு பல நடன நிகழ்ச்சிகளை அமெரிக்காவில் நடத்தில் புகழ்பெற்ற இவர், 100 சிறந்த அமெரிக்க பாலே நடன கலைஞர்களுக்கு இந்திய வம்ச வழி நடன கலையை கற்றுகொடுத்து வருகிறார் என்பது குறிப்பிடத்தக்கது