உலக அங்கீகாரத்தை நோக்கி விஸ்வரூபம்!

கமல் எழுதி, இயக்கி, நடித்துள்ள விஸ்வரூபம் திரைப்படம் வெளிநாடுகளில் 25-ஆம் தேதியும், தமிழ்நாட்டில் 7-ஆம் தேதியும் ரிலீஸானது. உலக அளவில் உள்ள கமல் ரசிகர்களிடமிருந்தும், திரையுலகினரிடமிருந்தும்,  நல்ல வரவேற்பை பெற்றிருக்கும் விஸ்வரூபம் ஹாலிவுட் படங்களுக்கு இணையான மதிப்பை பெற்றுள்ளது தமிழ் சினிமாவுக்கு மிகப்பெரிய புகழைத் தேடி தந்துள்ளது. திரைப்படங்கள், தொலைக்காட்சி நிகழ்ச்சிகள் பற்றிய தகவல்கள் அடங்கிய ‘IMDB' எனும் இணையதளம் படங்களின் தன்மையை ஆராய்ந்தும், ரசிகர்களிடம் கருத்து கணிப்பு நடத்தியும் படங்களை வரிசைப்படுத்தும் அந்த வகையில் 4 நாட்களுக்கு முன் ரிலீஸான கமலின் விஸ்வரூபம் IMDB இணையதள ரேட்டிங்கில் 10-க்கு 9.5 மதிப்பெண் பெற்றுள்ளது.   மேலும் 14,000 ரசிகர்கள் கமலுக்கு சாதகமாக ஓட்டு போட்டிருக்கின்றனர். இதே நிலை தொடர்ந்து கமலின் விஸ்வரூபம் 25,000 ஓட்டுகளைப் பெற்றால் டாப் 250 படங்கள் வரிசையில் விஸ்வரூபமும் இடம்பிடிக்கும். இதுவரை எந்த தமிழ்ப் படமும் டாப் 250 படங்கள் லிஸ்டில் இடம்பிடிக்கவில்லை என்பது குறிப்பிடத்தக்கது.